بقت السينما المصرية كلها عبارة عن أفلام" بورنو" أنا آسفة بس للأسف هي دي الحقيقة...
أصبح معني الفيلم العربي عنف و جنس و أخلاقيات منحطة
يعني إيه كل فيلم عبارة عن مشاهد ساخنة جدا ده الأساس طبعا و ضرب و خبط و شتيمة ؟؟؟؟
و تحس حتي و انتي بتبص علي أفيش الفيلم أو حتي الإعلان في التليفزيون إنك بتتفرج علي فيلم أمريكي
من النوع اللي الواحد كان ينكسف يشوفه....
و يطلعلك واحد من الخايبين اللي عامل نفسه مثقف و هوه نفسه اللي متزعم حركة التجديد في السينما و عمال يعمل أفلام "حسبنا الله و نعم الوكيل" و يطلع في كل قناة شوية يقولك الفيلم ده له هدف كبير و إحنا مش أقل من غيرنا و إحنا منفتحين و مش متخلفين
يا سلاااااااااام!!!!!!
فعلا له هدف كبير طبعا معروف لأي حد هوه تحطيم الأخلاق و الدين و نشر الفساد في المجتمع
حقيقي نفسي أعرف الممثلات الي هوه بيقول انه مكتشفهم أي واحدة منهم بتقدر تواجه زوجها إزاي بعد تمثيل المشاهد دي؟؟؟!!!
ولا حتقدر إزاي تتحمل إن أولادها و بناتها يتفرجوا عليها في المشاهد دي ؟ يا تري حتقولهم إيه؟؟؟؟؟!!!!
ولا الأكتر من كده إزاي حتقدر تواجه ربنا " سبحانه و تعالي " يوم الموقف العظيم ؟؟؟؟!!!
أنا مش بقول إن إحنا بقي الملتزمين اللي مش بنعمل ذنوب لكن الواحد بيحاول يتوب دايما و يعمل ولو حاجة كويسة ، مش يمشي في طريق أي طفل صغير عارف نهايته إيه...
المشكلة بقي فينا ...آه بجد...ألاقي ناس محترمة و تدخل الأفلام دي لييييييييييييييه؟؟؟ معرفش ؟!!!!!
و الأدهي من كده يدخلوا ولادهم وبناتهم معاهم أو حتي يسمحوا ليهم بالدخول ....
طيب ليه؟ ما إحنا كده بنشجع الناس دي علي إنهم يعملوا فينا أكتر من كده...
و نرجع نقول إيه اللي بيحصل لنا ؟ ليه الأسعار بقت نار و كل حاجة غلت الضعف بل الأضعاف ؟؟
يقول الله تبارك وتعالي : " ظهر الفساد في البر و البحر بما كسبت أيدي الناس".
ياريت نتقي الله في نفسنا و في أولادنا و مجتمعنا و ربنا يهدينا و يهدي الناس دي ...
هناك تعليق واحد:
حين...... مسخرة ،،،،أعزائي المخربين ...أقصد المخرجيين ..لستم انتم المثقفون.......
دا اسم البوست اللي كتب عن الافلام دي فيه
مش بقولك توارد خواطر ...أنت عارفة ساعات الأحلام بتسرب والبوستات كمان بتسرب
- وأخيرا وآخرا حديث سيد المرسلين يلخص كل ما مضى ..ولتعلموا لما آل حالنا لما آل
عن ابن عمر -رضي الله عنهما- قال: أقبل علينا رسول الله -صلى الله عليه وسلم- فقال : (( يا معشر المهاجرين ، خمس خصال إذا ابتليتم بهن وأعوذ بالله أن تدركوهن لم تظهر الفاحشة في قوم قط حتى يعلنوا بها إلا فشا فيهم الطاعون والأوجاع التي لم تكن مضت في أسلافهم الذين مضوا ولم ينقصوا المكيال والميزان إلا أخذوا بالسنين وشدة المؤنة وجور السلطان عليهم ولم يمنعوا زكاة أموالهم إلا منعوا القطر من السماء ولولا البهائم لم يمطروا ولم ينقضوا عهد الله وعهد رسوله إلا سلط الله عليهم عدوا من غيرهم فأخذوا بعض ما في أيديهم وما لم تحكم أئمتهم بكتاب الله تعالى ويتخيروا فيما أنزل الله إلا جعل الله بأسهم بينهم ))
إرسال تعليق