بجد شهر شعبان أهوه ..أول يوم فيه ..كل عام و أنتم بخير...
ياريت منضيعش الفرصة...الفرصة هي بجد الشهر ده ...ليه؟؟؟؟!!
لأن لو الواحد مننا ظبط نفسه في شعبان إن شاء الله يدخل رمضان بروح إيمانية عالية ، و همة كبيرة ، وممكن يعمل حاجات كتييييرة
إزاي؟؟؟
لو بدأنا في شعبان نصوم زي النبي (صلي الله عليه و سلم )ما كان بيعمل و حتي لو صمنا يوم و يوم أو نريح يومين و نصوم يومين كل واحد حسب ربنا ما يقدره ، و كمان نحافظ علي الأذكار و الإستغفار و قراءة القرآن ...و حاجة جميلة أوي نحافظ علي التوبة باستمرار
و فيه حاجة مهمة جدااااااااا ممكن تساعدنا : أكيد طبعا التوكل علي الله (تبارك و تعالي)، وكمان الصديق المخلص اللي ياخد بايدك للصح و الخير مش اللي تقعد معاه يضيعلك دينك!!!
حاول و حاولي أنك تلاقي أو تنقي واحد من أصحابك الكتير يكون فيه المواصفات دي و انتي كمان تكونله بالمثل الصديق النصوح...
ربنا يوفقنا لما يحب و يرضي ...
اللهم تقبل توبتنا و اغسل حوبتنا و ارحم ضعفنا و اجبر كسرنا اللهم استعملنا و لا تستبدلنا .. اللهم أعنا و لا تعن علينا كن لنا ولا تكن علينا ...اللهم تقبل صالح أعمالنا و تجاوز عن سيئاتنا ...اللهم أدخلنا الجنة برحمتك..اللهم اجعل خير أعمارنا أواخرها ...و خير أعمالنا خواتيمها و خير أيامنا يوم نلقاك...آمين... و الحمد لله رب العالمين....
هناك تعليقان (2):
جعل الله هذه التذكرة في مزيان حسناتك أختي العزيزة
جزاكم الله خيرا يا أحمد...
إرسال تعليق